1. admin@zakiganjsangbad.com : admin :
রবিবার, ১৯ মে ২০২৪, ০৬:২৯ অপরাহ্ন
শিরোনাম :
জকিগঞ্জের জিয়াপুরে যুবকের রহস্যজনক মৃত্যু: পাশে মিললো চিরকুট! জকিগঞ্জের বাবনছড়া খাল পুনঃখনন কাজের আনুষ্ঠানিক উদ্বোধন করলেন চেয়ারম্যান মোঃ আশরাফুল আম্বিয়া জকিগঞ্জে মাছ ধরতে গিয়ে বজ্রপাতে এক কিশোরের মৃত্যু জকিগঞ্জ উপজেলা চেয়ারম্যান পদপ্রার্থী মাওলানা বিলাল আহমদ ইমরান-এর নির্বাচনী গণসংযোগ ও প্রচারণা এসএসসিতে গোল্ডেন এ-প্লাস পেয়েছে বাহাউল ইসলাম মাহির জকিগঞ্জে ড. আহমদ আল কবির-কে নাগরিক সংবর্ধনা প্রদান এসএসসিতে গোল্ডেন এ-প্লাস পেয়েছে মেধাবী ছাত্র তানভীর আহমদ জকিগঞ্জের উত্তর মনসুপুরে প্রবাসীদের উদ্যোগে শিক্ষার্থীদের মধ্যে ছাতা বিতরণ এসএসসিতে গোল্ডেন এ-প্লাস পেয়েছে মেধাবী ছাত্র আব্দুল্লাহ আল হাসান নাফি এসএসসিতে গোল্ডেন এ প্লাস পেয়েছে তানজিম ইয়াসির

জকিগঞ্জী চাচার খোলা চিঠি

জকিগঞ্জী চাচা
  • প্রকাশের সময় : বৃহস্পতিবার, ২৩ সেপ্টেম্বর, ২০২১
  • ১৩৪৯ বার এই সংবাদটি পড়া হয়েছে

মাননীয় এমপি মজুমদার চাচা,
আসসালামু আলাইকুম
ছিঠির পয়লা জকিগঞ্জের গাউ-গেরামর আজার আজার হতভাগা, আউয়া-জাউয়া, অশিক্ষিত ও অবহেলিত জনগণর পক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম জকিগঞ্জী চাচার সালাম নিবায়। আশা করি চাচা আপনে বেশ ভালাউ আছইন।
পর সমাচার চাচা বো,
আপনারে আমরার খুবই দেখার ইচ্ছা অয়। কিন্তু দুঃখর বিষয় চাচা, আপনে একেবারে জকিগঞ্জ আওয়া যাওয়া বাদ দিলাইলা। মাঝে মাঝে আপনার এলাকা হিসাবে আইলে আমরা আপনারে দেখলাম অনে। আর ফাঁকে দিয়া আপনেও আমরারে দেখলা অনে।
যাক চাচা,
জকিগঞ্জ আওয়া যাওয়া আপনার ব্যাপার। আইলে বা না আইলে আমরার কুচ্ছু করার নাই। কারণ আপনে জকিগঞ্জ আইলে আমরার লাখাইন মানুষ খান্দাত যাওয়ার সুযোগ মিলতো নায়। আপনে চেয়ারম্যান, মেম্বার, নেতাকর্মী আর অফিসার অখল লইয়া ঘুরবা। আর আমরা দূরে থাকি দেখিয়া আফসোস করমু আর কইমু, হায়রেবা আল্লাহ আমারে তো বড় বানাইলে এমপি সাব’র লগে ঘুরলাম অনে। খান্দাত গেলে এলাকার সমস্যার কথা কইলাম অনে। কিন্তু খান্দাত যেহেতু যাইতাম পারতাম নায়, সেহেতু আপনে জকিগঞ্জ আওয়া আর না আওয়া আমার লাখাইন আদুম ছুদুমর লাগি সমান।
চাচা এখন আই মূল কথাত,
আপনে নিশ্চয় হুনার কথা জকিগঞ্জ গ্যাস পাওয়া গেছে। ইকটা বুলে দেশর ২৮ তম গ্যাস ক্ষেত্র। ই-কথা হুনিয়া চাচা আমরার ঘুম অর না। আমরা বাক্কা বড় আশা লইয়া বইছি এখন আমরা গ্যাস পাইমু। কারণ অতদিন থাকি আমরা গ্যাস’র লাগি দাবী করলেও আমরার উপজেলাত দেখানির মতো তেমন কুন্তা আছিল না। এখন কিন্তু চাচা আমরার উপজেলাত গ্যাস আছে।
চাচা একটা কথা কই,
এখন যদি আমরা গ্যাস না পাই তবে, আপনার উফরে আমরা সব দোষ দিমু। কারণ আমরার গ্যাস দেশর অন্য জায়গায় যাইবো আর আমরা গ্যাস পাইতাম না তা অইতে পারেনা। এরলাগি আগে ভাগে আপনে গ্যাসের একটা ব্যবস্থা করউক্কা। নাইলে পরে কিন্তু শরম পাইবা।
চাচা বো,
আমরা বেহায়া বেইজ্জত, জনম দুঃখী, কপাল ফুড়া, আদুম ছুদুম জকিগঞ্জী মানুষ আপনার বায়দি চাইয়া বইরইছি। আমরা মনে করি, আপনে চাইলে সব ফারবা। আপনার প্রধানমন্ত্রীর লগে সরাসরি লাইন। আপনে তানরে কইলে একটা ব্যবস্থা ওয়া স্বাভাবিক। আর যদি আপনে কইয়া গ্যাস না পাইন। তাইলে আমরার লগে থাকিয়া কইবা গ্যাস পাইতে কিতা করতে অইবো। যা লাগে আমরা আপনার লগে থাকমু। আপনার ডাকে প্রতিবাদ ও আন্দোলন যা লাগে করমু। তবুও চাচা আমরার গ্যাস দরকার।
আদরের চাচা,
আমরা এখন যদি গ্যাস না পাই। তাইলে মনে রাখবা আর ভবিষ্যতে আমরা লাগি গ্যাস পাওয়া মুশকিল অইবো। এরলাগি আপনার দয়ার নজরখান দিয়া গ্যাসের লাগি একটু মাতওউক্কা। সংসদে যাউক্কা আর আমরা দাবীর কথা খউক্কা। দেখবা আমরা গ্যাস পাইলিমু।
দরদী চাচা,
আমরার শেষ আকুতি যদি আফনার দয়ার নজর অয় তবে আফনে আমরার গ্যাসর ব্যবস্থাটা করিয়া দিবা। আপনার জীবনর শেষ সময় একটা ঝাকড়া দিয়া আমরারে গ্যাস পাওয়াইয়া গেলে মনে রাখমু আর দো’আ করমু।
ইতি
আফনার নয়া ফাগল
জকিগঞ্জী চাচা

এই সংবাদটি শেয়ার করুনঃ

Leave a Reply

Your email address will not be published. Required fields are marked *

এই ক্যাটাগরির আরো সংবাদ
জকিগঞ্জ সংবাদ-এর প্রকাশিত/প্রচারিত কোনো সংবাদ, তথ্য, ছবি, আলোকচিত্র, রেখাচিত্র, ভিডিওচিত্র, অডিও কনটেন্ট কপিরাইট আইনে পূর্বানুমতি ছাড়া ব্যবহার করা যাবে না
প্রতিষ্ঠাতা: রহমত আলী হেলালী কর্তৃক সর্বস্বত্ব সংরক্ষিত
প্রযুক্তি সহায়তায় সিসা হোস্ট